Radioquartz

  L’nouvèle anéye

                                      C’èst l'môde di souwétî

A grands rèfôrts di bètchs

Dès bons voeûs sins mèpris

Aus djins qui sont dins l’dèche.

Tout d’abôrd in moncha

Di liârds à pârtadji

Pou lès pauves sins rat’na

Faureut nén lès rouvyî.

Pou lès djins qu’sont malâdes :

Dj’voureu awè l’vac.sin

Qui lès sogn’reut bén râde

Sins l’èr’mète au lèd’mwin.

Lès payîs qu’sont st-en guère

Duvrit s’sèrer l’mwin

Pou pârtadji l’têre

Sins disputes èt trèyins.

I gn-a tant d’maleûreûs

Qui dôm’nut d’ssu lès tch’mwins

Et qui manqu’nut d’tchaleû

Faut nén qu’is crèvîjent d’fwin.

Er'frin :

Vèl-ci l’nouvèle anéye

Qu’èle ni fuche nén fayée

Vèl-ci l’nouvèle anéye

Qu’èle ni fuche nén bacléye.