Radioquartz

  Vèl-cî Nowé

Nén lon èrî d’amon nos-autes,

Dès pauves ènn’ sâront chûre èl môde

Eyèt co mwins mindjî à r’lâye :

Is d’meur’ront catchi padrî l’hâye.

Quand à cès èfants sins parints,

Pou souper, is-âront rad’mint

In rèstant qui trin.ne dins n’poubèle

El tout d’moustrer qu’on-èst l’pus fèle.

Eyèt lès maleûreûs en guére

Qui dès douceûs ènn’ vîront wêre

A cause d’ène mwéje situwâcîyon,

Es’ contint’ront seûr d’ène racîyon.

Er'frin :

Vèl-cî Nowé, vèl-cî Nowé

A l’orlôdje mègnût vént d’soner.

Asteûre c’èst fièsse pârtout à l’ronde

L’è p’tit Jésus èst v’nu au monde.

Vèl-cî Nowé, vèl-cî Nowé

C’è-st-avou jwè qu’nos d-alons l’fièster.

On va mindji èt s’amuser,

Faut profiter d’rèvèyoner.