Ene tchanson dissus Sint Nicolas
Dji voureu yèsse Sint Nicolas
Doner dès cadaus pa moncha
Qué tchance di discouvru dès-eûres
Tous lès-îs rimplis di bouneûr
Dissus in trône dji s'reu achid
Gn-âreu in dècôr assôrti
Adon vénrit lès p'tits èfants
Qui s'chuv'rît au mitant dès tchants
El pére fwètârd à mès costès
Dins sès nwêrès loques ès'tént drwèt
Prèsse à criyî d'ssu lès mètchants
Avou l'èspwêr d'lès rinde tchârmants
Dji disquind'reu dins lès tchminéyes
Et dj'vîreu voltî lès dinréyes
Qui tous mès binaujes protédjès
M'ârit djintimint préparè
Er'frin :
Sint Nicolas vos 'stèz si bon
Di v'nu leûs z-apôrter d'si lon
Plin di bounès-afêres à r'lâye
Dès djouwèts, boubounes èt cacayes
Sint Nicolas vos 'stèz djintî
Et v'là pouqwè on vos tchèrît
On vos wèt in côp pa anéye
Mins on vos r'mèrcîye pa bans'léye